محترم حکیم صاحب السلام علیکم! میں آپ کا بہت زیادہ مشکور ہوں‘ کیونکہ آپ کے درس نے مجھے ایک نئی زندگی دی‘ وہ ایسے کہ میں میٹرک کا سٹوڈنٹ تھا لیکن پڑھائی میں بہت زیادہ کمزور تھا‘ ہروقت دوستوں کے ساتھ گپ شپ اور گھر میں فیس بک پر چیٹنگ کرتا رہتا‘ ایک دن میں ویسے ہی گوگل پر کچھ سرچ کررہا تھا تو عبقری ویب سائٹ نظر آئی اس پر کلک کیا تو میں نے ایسے ہی درس و روحانیت و امن پر کلک کیا تو درس چل گیا میں نے تھوڑا سا ہی درس سنا تھا کہ مجھے لگا کہ کوئی چیز مجھے اللہ کی محبت کی طرف کھینچ رہی ہے‘  میں نے اس دن آپ کے 4 گزشتہ درس سنے اور ساتھ دعا مانگی۔میرے پیپرز نزدیک تھے اور میری تیاری بالکل نہ تھی‘ میں نے پھر ہر جمعرات آپ کے درس میں شرکت شروع کردی اور ہر درس کے اختتام پر رو رو کر اللہ سے اپنے پاس ہونے کی دعا کی اور جب میرا رزلٹ آیا تو میرےتمام گھروالے اور رشتے دار حیران رہ گئے کہ یہ پاس کیسےہوگیا کیونکہ میں نے پورا سال کتاب کھول کر بھی نہیں دیکھی تھی‘ ہوتا یہ تھا کہ پیپرز کے دوران قدرتی طور پر میں جو بھی یاد کرتا وہی اگلے دن پیپر میں آجاتا۔ اللہ نے درس کی برکت سے میری غیبی مدد کی۔ اب تو میرے پورے گھر والے درس میں شریک ہوتے ہیں اور ہمارے بہت سے مسائل حل ہوتے ہیں۔(محمد علی‘ لاہور)