محترم حکیم صاحب السلام علیکم! اللہ تعالیٰ آپ کو صحت کاملہ عطا کرے۔ محترم حکیم صاحب عبقری رسالہ سے تقریباً ہم چار پانچ ماہ پہلے ملے‘ ہم بہت پریشان تھے‘ میں نے رسالہ عبقری میں سے  یَاقَہَّارُ  کا عمل دیکھا میں نے وہ تین ماہ یعنی 90 دن مسلسل (صبح و شام گیارہ گیارہ سومرتبہ)پڑھا مجھے بہت فائدہ ہوا ہے۔ میری ٹانگیں سوج کر اکڑ گئیں تھی اور میں چلنے پھرنے کے قابل نہ تھی ہر قسم کا علاج کروایا لیکن فائدہ نہ ہوتا تھا پھر معلوم کروانے پرپتہ چلا کہ مجھ پر جادو کے اثرات ہے۔ جب میں نے  یَاقَہَّارُ  والا وظیفہ نوے دن کیا تو میری ٹانگیں جو پہلے سوجی ہوئیں تھیں اب ان کی سوجن بھی کم ہوگئی ہے اور اکڑن بھی ختم ہوگئی ہے اور میں چلنے کے قابل بھی ہوگئی ہوں۔(م۔پ،ملتان)

موتی مسجد خوشبو سے بھرگئی
محترم حکیم صاحب السلام علیکم! مجھے آپ کا رسالہ پرھتے ہوئے تین سال ہوگئے ہیں اس رسالے سے میرے بہت سے مسائل حل ہوئے ہیں۔ میں اپنی پریشانیوں کے حل کیلئے تین مرتبہ موتی مسجد جاچکی ہوں جس کی وجہ سے میرے بہت سے مسائل حل ہورہے ہیں۔ تیسری دفعہ جب میں موتی مسجد نوافل پڑھنے گئی تو خوب رونا آیا… نفل پڑھتی جاؤں اور روتی جاؤں… تو اچانک اتنی زیادہ خوشبو آئی… بڑی ہی عجیب سی خوشبو تھی… میں نے اُن لوگوں سے کہا کہ میری سفارش اللہ کے آگے کردیں کہ میرے تمام مسائل حل ہوجائیں۔ اب مجھے قوی امید ہے کہ میرے مسائل بہت جلد حل ہوجائیں گے۔ (ف،ص۔لاہور)