یہ کئی سالوں سےا ٓزمودہ ‘ تجربہ شدہ‘ بہترین وظیفہ ہے‘ عوام الناس کیلئے
ادارہ عبقری اور تسبیح خانہ کی طرف سے ایک انمول لاجواب تحفہ
رمضان شریف کی گیارہویں اور بارہویں روزے کی درمیانی رات کو بعد نماز عشاء دو دور رکعت کرکے 12 نفل اس طرح پڑھیں کہ ہر رکعت میں سورۂ فاتحہ کے بعد ایک بار سورۂ اخلاص پڑھیں۔ 12 نفل پڑھ کر 100 مرتبہ درود شریف پڑھیں۔ پھر تمام نفل اور درود شریف کا ثواب حضور پاک ﷺ کو پہنچائیں اور پھر حضور پاک ﷺ کے وسیلے سے اللہ تعالیٰ کے حضور گڑگڑا کر خلوص دل‘ انکساری‘ عاجزی سے کم از کم 15 منٹ اپنے لیے یا اپنی بہن‘ بیٹی کیلئے اچھے رشتے کی دعا کریں۔ انشاء اللہ تعالیٰ اگلے رمضان سے پہلے مراد پوری ہوگی۔ یہ نہایت ہی آزمودہ اور آزمایا وظیفہ ہے۔ میں نے جس کو بھی بتایا اس نے اپنے کا شکر ادا کیا ہے۔ پچھلے رمضان میں نے ایک عورت کو یہ وظیفہ بتایا اس نے اپنی بیٹی کیلئے یہ وظیفہ پڑھا‘ اللہ کے فضل سے اسی سال رشتہ بھی طے ہوگیا ۔ آپ یقین جانیے! اس وظیفے کے پڑھنے کی بدولت بڑی عمر کی لڑکیاںجو اپنی شادی سے ناامید ہوگئی تھیں اللہ کے فضل سے ان کی بھی شادیاں ہوگئی ہیں اور اپنے گھروں میں خوش و آباد ہیں۔ ’’اس وظیفہ کی اجازت عام ہے۔‘‘