بالوں کا قبل از وقت سفید ہونا:شہد اور روغن زیتون ملاکر ہر روز بالوں کی جڑوں میں لیپ کریں۔ بعد میں ریٹھے کے پانی سے سردھولیں۔ انشاء اللہ وقت سے پہلے بالوں کا سفید ہونا بند ہو جائے گا۔ بال کالے چمکدار اور ملائم ہو جائیں گے۔
بالوں کی مضبوطی اور قدرتی چمک کیلئے:روغن زیتون 10گرام ، شہد خالص 5گرام دونوں اشیاء کو خوب حل کرکے سر پر مساج کریں پھر کھولتے ہوئے پانی میں تولیہ بھگو کر سر پر رکھیں۔ تیل میں سر میں خوب جذب ہونے دیں۔ آدھا گھنٹے بعد شیمپو سے سر دھولیں ہر روز ایسا کرنے سے بال مضبوط، گھنے اور سیاہ ہو جاتے ہیں۔ اس کے علاوہ یہ نسخہ فیشل ماسک اور ہیڈلوشن کے طور پر بھی استعمال کرسکتے ہیں۔ اس سے جلد صاف اور ملائم ہو جاتی ہے۔
چہرے کا رنگ گلابی اور جسم خوبصورت
نہار منہ ایک چمچ روغن زیتون میں چٹکی بھر کلونجی ملاکر کھانے سے چہرے کا رنگ گلابی ہو جاتا ہے۔ اگر یہ نسخہ ایک کپ دودھ میں مکس کر کے استعمال کریں تو زیادہ مفید ہے۔
چہرے کے جھریوں کیلئےروغن زیتون میں عرق گلاب شامل کرکے خوب پھینٹیں اور اس سے چہرے پر مالش کریں۔
کان اور ناک کی بیماریوں کیلئے: روغن زیتون 100گرام، کلونجی 10گرام دونوں اشیاء کو کسی برتن میں ڈال کر آگ پر پکائیں۔ جب کلونجی تیل میں جل جائے تو تیل کو اتار کر چھان لیں۔ کسی بوتل میں محفوظ کرلیں۔ اس تیل کے چند قطرے کان میں ڈالنے سے کان کی تمام بیماریاں رفع ہو جاتی ہیں۔ اس مرکب کا ناک میں ڈالنا پرانے زکام میں مفید ہے۔بہرہ پن کا علاج:روغن زیتون ایک تولہ میں دو رتی ہینگ ملاکر دو قطرے روزانہ کان میں ٹپکائیں۔ انشاء اللہ شفاء ہوگی۔ناسور، بواسیر کیلئے:روغن زیتون
100گرام، برگ مہندی 20گرام، کلونجی 20گرام تینوں اجزاء کو ملا کر کڑاہی میں ڈال کر آگ پر رکھیں۔ جب تمام چیزیں جل جائیں تو اتار کر چھان لیں۔ یہی تیل ایک چمچ صبح و شام گرم دودھ کے ہمراہ پئیں اور یہ تیل متاثرہ حصے پر لگائیں۔ یہ تیل کیل مہاسے، پھوڑے پھنسی، جلے ہوئے زخم وغیرہ کیلئے بھی فائدہ مند ہے۔ آزمودہ نسخہ ہے۔سردی کیلئے: جن لوگوں کو سردی زیادہ لگتی ہو وہ رات کو سوتے وقت زیتون کے تیل کا ایک چمچ ایک کپ دودھ میں مکس کرکے پی لیں۔دماغی بیماریوں کیلئے مجرب نسخہ: روغن زیتون 20گرام، روغن بادام 20گرام، روغن کاہو 20 گرام، روغن کدو شیریں 20گرام، سرسوں کا تیل 50 گرام پانچوں تیل لے کر باہم ملالیں۔ پھر ان روغنیات پر سورۃ فاتحہ گیارہ بار اوّل و آخر تین بار درود شریف پڑھ کر دم کرلیں۔ اس کے بعد رات کو سوتے وقت مریض کے سر پر نرم ہاتھوں سے مالش کریں ۔ کچھ عرصہ علاج جاری رکھیں۔ انشاء اللہ شفاء ہوگی۔(باقی صفحہ نمبر 59)