محترم حضرت حکیم صاحب السلام علیکم! عبقری رسالہ ہمارا بہت ہی پیارا اور محسن رسالہ ہے ترقی کی راہ پر گامزن ہے بہت دعائیں ہیں ۔ آج ہلدی کے بارے میں اس لیے لکھ رہی ہوں کیونکہ رمضان شریف کی آمد آمد ہے۔ خواتین پکوانوں میں اچھے مصالحے ہی ڈالنا پسند کرتی ہیں۔ میں نےڈیڑھ کلو ثابت ہلدی منگوائی‘ اس کو کھلے پانی میںدھوکر کھلے پانی میں پانچ دن بھگوئے رکھا پھر ایک دن ابال کر پھر رکھا تاکہ صحیح نرم ہو جائے میں نے سوچا کہ کافی لمبا کام ہے کیونکہ اس کو میں ہمیشہ نرم کرنے کے بعد سل بٹہ پر پیستی ہوں پھر دھوپ میں سکھاتی ہوں کیونکہ پھر جلدی خشک ہو جاتی ہے تو گراینڈر میں پیس لیتی ہوں۔ ذہن میں آیا کہ کیوں نہ قیمہ کی مشین میں سے اس کو گزار کر قیمہ کی طرح نکال لوں‘ مجھے بہت خوشی ہوئی کہ قیمہ کی مشین میںڈال کر جب ساری ہلدی قیمہ بن کر نکل آئی سٹیل کی ٹرے میں خشک ہونے کیلئے رکھ دیا تیز دھوپ ہوتو بہت جلد دوسرے دن تک بہت اچھی خشک ہو جاتی ہے پھر اس کو چاہیں تو ذرا سا گرائنڈر میں پیس کر استعمال کریں تاکہ لنگری پتھروالی میں ڈنڈے سے رگڑ کر استعمال کریں۔ رمضان المبارک اور ہلدی کے فوائد: خون کی کمی، جوڑوں کا درد، دمہ سوزش اندرونی زخم اور چوٹ کھانسی زکام انفلوینزا، ناک کا ورم، خارش‘ کھجلی آنکھوں میں دکھن ہو‘ گلے کا انفیکشن ہو پیٹ کے کیڑوں کیلئے بہت کارآمد چیز ہے ہلدی کا سفوف لسی یا سادہ پانی میں آنتوں کا مسئلہ ہوتو بہت بہترین ہے ہلدی آنتوں میں بیکٹیریا کی نشوونما کی روکتی ہے۔ کچی ہلدی کوایک شہد کے چمچ میں مکس کرکے کھانا خون کی کمی دور کرتا ہے۔یرقان میں چٹکی بھر سفوف ہلدی گرم پانی کے ایک گلاس کے ساتھ پینا دو یا تین بار شافی علاج ہے۔ ہلدی کا پیسٹ ترخارش میں لگانا بہت مفید ہے۔معدہ کےالسر یا تیزابیت والے مریضوں کو استعمال نہیں کرنا چاہیے۔ (مسز سید اعجاز بشیر بخاری، تلہ گنگ)