اولاد کے لیے، بیٹے کے لیے، روزگار کے لیے، تبادلہ کے لیے یعنی ہر قسم پریشانی کیلئے ایک فقیر کا بتایا ہوا عمل ہے۔ دروازے پر ایک فقیر نے صدا لگائی گھر والی آٹا لے کر دروازے پر آئی دروازہ کھلا ہوا تھا فقیر کی نگاہ اندر صحن پر پڑی تو اسے ہر طرف لڑکیاں ہی لڑکیاں نظر آئیں فقیر نے آٹا لے لیا اور دعا دی پھر پوچھا بہن یہ تمام بچیاں آپ کی ہیں۔ ہاں بھائی مجھ غریب کی نو بیٹیاں ہیں بیٹے کے لیے ترس رہی ہوں کوئی ڈاکٹر، حکیم، پیر نہیں چھوڑا وظیفے کیے مزاروں پر گئی اللہ تعالیٰ سے بیٹا مانگا لیکن ہر بار بیٹے کی آس امید پرحمل ہوا مگر پیدا بیٹی ہی ہوئی۔ ہر دفعہ امید ہوتی شاید اس دفعہ اللہ تعالیٰ بیٹا عنایت کردے نو بیٹیوں کا منہ دیکھ لیا اب تو تھک چکی ہوں مجبوراً اللہ کی رضا پر راضی ہوگئی ہوں سوچ لیا ہے کہ میرے نصیب میں بیٹا نہیں ہوگا۔ نہیں نہیں میری بہن اللہ سے ناامید نہیں ہوتے خداوند کریم ضرور تمہیں بیٹا دے گا مایوس نہ ہو۔ عورت کے ہونٹوں پر بے بسی میں ڈوبی مسکراہٹ آگئی اب ناممکن ہے ۔ اب میںمزید رسک نہیں لےسکتی۔ فقیر مسکرایا اور بولا تم نے بہت وظیفے علاج وغیرہ کیے ہونگے لیکن آج اپنے اس فقیر بابا سے وظیفہ لے لو۔ انشاء اللہ پھر جب میں آئوں گا یقیناً تیری گود میں بیٹا ہوگا بابا نے دعا کے لیے ہاٹھ اٹھا لیے کافی دیر دعا کرتا رہا پھر وظیفہ بتایا۔ عورت نے یقین کرکے خلوص دل سے وظیفہ کیا اور اللہ کی مہربانی سے نو ماہ بعد اللہ نے اسے صحت مند بیٹا عطا کیا فقیر بابا نے کہا تھا یہ بہت ہی لاجواب وظیفہ ہے ہر مشکل کے لیے پڑھا جاسکتا ہے۔بہن تجھے اللہ تعالیٰ انشاء اللہ بیٹا دے گا تجھے اجازت ہے یہ وظیفہ تم ہر مشکل میں پھنسے شخص کو بتاسکتی ہو اب وہ خاتون کئی لوگوں کو یہ وظیفہ بتاچکی ہے اور اللہ کے حکم سے ہر ایک کا کام سنور گیا ہے۔اسے بابا کا شدت سے انتظار ہے وہ فقیر بابا کو انعام اکرام دینا چاہتی ہے لیکن ابھی تک پھر بابا نہیں آیا۔ سوچتی ہے خدا نہ کرے بابا فوت نہ ہوگیا ہو۔ کافی بوڑھا بھی تو تھا واللہ عالم لیکن اسے ابھی بھی امید ہے بابا آئے گا اس نے کہا تھا میں آئونگا تیری گود میں بیٹا ہوگا۔ میری گود میں بیٹا تو اللہ کے فضل و کرم سے آگیا ۔