صحت کو چارچاند لگانے کیلئے روزانہ خوشبو لگائیں!

حضرت امام رضاسلام اللہ ورضوانہٗ علیہ سے منقول ہے:’’ مرد کو خوشبو چھوڑنی مناسب نہیں ہے۔بہتر تو یہ کہ ہر روز لگائے اگر اس پر قدر ت نہ رکھتا ہو تو ایک دن کے بعد لگائے اگر یہ بھی ممکن نہ ہوتو جمعہ کے دن ضرور لگائے مگرناغہ نہ ہو۔
خوشبو کے استعمال پر میڈکل سائنس کی ریسرچ
صحت پر خوشبو کے اثرات کو دیکھتے ہوئے ایک طریقہ علاج کی بنیاد رکھی گئی جسے اروما تھراپی Aromatherapy کہا جاتا ہے۔اروما تھراپی کی اصطلاح 1928ء میں فرانسیسی کیمیادان رینے موریس گانے فوس René-Maurice Gattefossé نے متعارف کرائی۔ اروما تھراپی کے کئی ذرائع ہیں جن سے مختلف بیماریوں کا علاج ممکن ہے۔ ان ذرائع میں خوشبو کو سانس کے ذریعے اندر لینا یا Inhalation، بھاپ کے ذریے اسٹیم لینا، مختلف نباتاتی عرقیات کی مالش وغیرہ شامل ہیں۔
ہماری ناک میں ایسے حساس اعصاب ہوتے ہیں جو خوشبو یا بدبو دونوں سے فوری طور پر متاثر ہوتے ہیں۔ آخذ اعصاب خوشبو یا بدبو کا پیغام دماغ تک پہنچاتے ہیں۔ دماغ ہی میں یادداشت، جذبات اور جنس کے مقامات ہوتے ہیں۔ خوشبو یا بدبو ہمارے اندر محبت، نفرت، شہوت، پریشانی اور غم کو برانگیختہ کرسکتی ہے اور یہ کیفیات ہماری نبض، فشار خون، تنفس اور شاید دفاعی نظام کو متاثرکرسکتی ہے۔ خوشبوئوں سے علاج کے ماہرین و معالجین کا دعویٰ ہے کہ خوشبوئوں میں جراثیم کو ہلاک کرنے کی صلاحیت پائی جاتی ہے۔ ماہرین کے مطابق خوشبوسونگھنا‘ دل و دماغ کو طاقت دیتا ہے‘ بے خوابی کو دور کرتا ہے‘ بے ہوشی میں سنگھائیں فائدہ ہوتا ہے‘ ضعف بصارت‘ دماغ کی کمزوری‘ ٹینشن‘ ڈیپریشن اور دل کے امراض اور بھولنے کے مرض میں مفید ہے۔. خوشبو کی بدولت صحت میں چستی و خوشگواری کا عنصر پیدا ہوتا ہےاورجنسی قوت میں اضافہ ہوتا ہے۔

تھکاوٹ ،سُستی ،اُداسی،چڑچڑا پن بھگائیں!

امام جعفر صادق سلام اللہ ورضوانہٗ علیہ نے فرمایا:’’انگور اعصاب کو مضبوط ،تھکاوٹ کو دورکرتا اور انسان کے دل کو تازگی عطا کرتا ہے۔
میڈیکل سائنس کی ریسرچ
انگور اینٹی آکسائیڈنٹس سے بھرپور پھل ہے جیسے کیروٹین، پولی فینولز اور دیگر۔ مختلف طبی تحقیقی رپورٹس کے مطابق یہ اینٹی آکسائیڈنٹس دل کی صحت کو مستحکم رکھنے کے ساتھ مخصوص اقسام کے کینسر کا خطرہ کم کرتے ہیں۔جارجیا یونیورسٹی کے ایک مطالعے سے معلوم ہوا ہے کہ انگور کھانے سے پٹھے مضبوط ہوتے ہیں اور اِس کے علاوہ یہ انسانی جسم کوطاقتور بھی بناتا ہے۔ٹیکساس ویمنز یونیورسٹی کی ایک تحقیق میں بتایا گیا کہ انگور کھانے کی عادت گھٹنوں کے جوڑ کی تکلیف سے ریلیف میں مدد دیتی ہے، اس میں موجود اینٹی آکسائیڈنٹس جوڑوں کی لچک اور حرکت کو بہتر کرتے ہیں۔ یہ ملٹی وٹامن پھل ہے! انگور میں کاربوہائیڈریٹس، پروٹین، وٹامن اے، وٹامن سی، کیلشیم اور آئرن پائے جاتے ہیں جو انسانی صحت کےلیے بہت مفید ہیں۔ انگور وزن بڑھاتا اور چہرے کی رنگت کو خوب صورت بناتا ہے۔یہ معدے کو طاقت ، جلن کو ختم اورخون کو بڑھاتا ہے ۔اس لئے خون کی کمی کی صورت میں انگور استعمال کرنے چاہئے ۔ جسمانی کمزوری و نقاہت کو دور کرتا ہے ، بدن کو موٹا کرتا ہے ۔ اکثر حضرات وہم وسوسے پریشان خیالی ، پست ہمتی اور چڑ چڑے پن کا شکار (باقی صفحہ نمبر 53 پر)
(بقیہ:تھکاوٹ ،سُستی ،اُداسی،چڑچڑا پن بھگائیں!)
ہوتے ہیں ان عوارض کیلئے انگور بڑا موثر ہے ۔ انگور دل کے امراض سے بچاتا ہے ۔ دل کے درد اور بے ترتیب دھڑکنوں میں بھی انگور فائدہ دیتا ہے -