تقریباً 3سے 4 سال پہلے یہ نسخہ عبقری میں شائع ہو چکا ہے۔ یہ نسخہ شوگر ، پٹھوں کے درد اور کھوئی ہوئی طاقتوں کا خصوصی علاج ہے۔میں نے خود استعمال کیا اوربے شمار لوگوںکو بتایا، اس نسخے کے بہت حیرت انگیز کمالات ہیں۔ نسخہ یہ ہے کہ تمر ہندی کا اوپر والا چھلکا جو گہرے براؤن رنگ کاہوتا ہےاتار کر اندر سے سفید گودا جو تھوڑا سخت ہوتاہے ، نکال باریک پیس لیںاور 100 گرام پاؤڈر میں 10 گرام الائچی کلاں (بڑی الائچی) باریک پیس کر پاؤڈر میں مکس کر لیں اور بڑے سائز کے کیپسول بھر لیں۔ صبح ناشتہ کے بعد اور رات کے کھانے کے بعد ایک ایک کیپسول ٹھنڈے پانی سے کھائیں اور آدھ گھنٹے کے بعد ایک کپ نیم گرم دودھ پی لیں۔ میںنے بہت سے لوگوں کو یہ نسخہ مفت ہدیہ کیا انہیں دوبارہ تکلیف نہیں ہوئی اور بہترین تنائج ملے۔ اصلاح معدہ و جگر معدے اور جگر کی اصلاح اور معدے سے متعلق تمام مشکلات دور کرنے کے لئے ایک لاجواب قہوہ ہے۔میرے ایک جاننے والے ہیں ان کو معدے اور جگر کا مسئلہ تھا، ان کا چہرہ زرد تھا۔ معدے میں گیس اور بدہضمی کا مسئلہ تھا۔انہیں یہ قہوہ استعمال کرنے کا مشورہ دیا دن بدن ان کی صحت میں بہتری نظر آنے لگی اور ان کا رنگ روپ ہی بدل گیا۔سردی کے موسم میں اس قہوے کے فائدے اور بھی بڑھ جاتے ہیں، سردی کے مضر اثرات سے جسم محفوظ رہتا ہے، بنائیں  استعمال کریں اور دعاؤں میں یاد رکھیں۔ ھوالشافی:1۔ کلونجی 2۔ سبز چائے کی پتی 3۔ اجوائن دیسی 4۔ پودینہ دیسی 5۔ دار چینی 6۔ لونگ ۔تمام چیزوں کو برابر مقدار میں لیں اور لونگ 4/1 حصہ لیں یعنی اگر ہر چیز 250 گرام لیں تو لونگ 60 گرام لیں۔ تمام چیزوں موٹا موٹا کوٹ کر بوتل میں ڈال لیں۔ ایک کپ قہوہ بنانے کے لئے ڈیڑھ کپ پانی میں یہ پاؤڈر آدھا چائے والا چمچ ڈالیں اور پانی ابالیں جب ایک کپ رہ جائے تو نیم گرم نوش فرمائیں پیٹ کی تمام بیماریاں ختم ہو جائیں گی ۔ ان شاء اللہ

عبد الرشید ، اسلام آباد