محترم حضرت حکیم صاحب السلام علیکم!مجھے خاص ایام میں شدید تکلیف ہوتی تھی۔اس پریشانی کی وجہ سے معمول کے کام کرتے ہوئے بھی بہت دِقت کا سامنا کرنا پڑتا۔اس مرض سے نجات کے لئے میں نے عبقری رسالہ میں ایک نسخہ پڑھا‘ اسے آزمانے سے میرا یہ مسئلہ حیران کن طور چند ہی دن میں حل ہو گیا۔پھر یہی نسخہ میں نے بہت سی جاننے والی خواتین جو اس مرض کا شکار تھیں انہیں بھی استعمال کروایا جس سے انہیں بھی شفاء ملی‘ آج وہ سب دعائوں سے نوازتی ہیں۔نہایت آسان نسخہ ہے۔تین دن مسلسل اجوائن‘ آدھا چمچ پانی کے ہمراہ استعمال کریں اور ایک چھوٹا سا ٹکڑا پرانے گڑ کامنہ میں رکھ کر چوستے رہیں اور پھر کھا لیں۔جو خواتین اس مسئلہ کا شکار ہیں چند دن ضرور استعمال کریں۔

بشریٰ الیاس‘ لاہور