ماہنامہ عبقری - مارچ 2009ء

ایک تھانے دار نے ایک دن ایک مولانا صاحب کی دعوت کی۔ مولانا صاحب نے دعوت قبول کرنے سے انکار کر دیا اور کہا کہ میں معذور ہوں، نہیں آسکتا۔ تھانے دار نے کہا ، اگر بیمار ہیں تو علاج کرا دیتا ہوں، سواری نہیں تو سواری کا انتظام کرتا ہوں۔ مولانا نے جواب میں کہا۔ میری مجبوری اور طرح کی ہے۔ تھانے دار نے کہا پھر کھانا یہیں بھیج دیتاہوں۔ انہوں نے پھر انکار کر دیا۔ اس پر تھانے دار بولا میں کھانا خود پیش کرتاہوں۔ مولانا صاحب نے صاف انکار کر دیا.... تھانے دار کو غصہ آگیا اس نے تلملا کر کہا؟ نہ آپ بزرگ ہیں نہ آپ نیک آدمی ہیں کیونکہ نبی کریم صلی اللہ علیہ وسلم نے فرمایا کہ کوئی دعوت کرے تو قبول کرو۔ جواب میں مولانا صاحب نے کہا.... جو عیب آپ نے مجھ میں بتائے میں ان سے زیادہ عیبوں والا ہوں۔ ان کا جواب سن کر تھانے دار کو ہوش آیا۔ غور کیا تو معلوم ہوا کہ مولانا کومیری آمدنی پر شک ہے۔ اس لیے دعوت قبول نہیں کر رہے۔ چنانچہ اس نے اسی دن سے تھانے داری چھوڑ دی۔ کچھ دن بعد اس نے پھر مولانا کی دعوت کی اوروضاحت کی۔ حضرت میں نے تھانے داری چھوڑ دی ہے۔ اب میرے پاس آبائی جائیداد ہے۔ لہٰذا حلال کی کمائی میں سے آپ کی دعوت کروں گا۔ مولانا نے اس کی دعوت قبول کر لی اور فرمایا ملازمت چھوڑنے کی ضرورت نہیں تھی کیونکہ دیانتداری سے تھانے داری کرنا تمام بھلائیوں سے بڑھ کر ہے۔ یاد رہے کہ تھانے دار کا درجہ محتسب کاہے۔ کیا آپ جانتے ہیں کہ مولانا کون تھے؟؟؟ جناب شیخ الحدیث حضرت مولانا قاسم رحمتہ اللہ علیہ تھے۔ پچھلا صفحہ