روزے کی حالت میں انسانی بدن پر رونما ہونیوالی تبدیلی: دراصل ماہ رمضان کو رب تعالیٰ نے لوگوں کے لیے عام طور پر اور مسلمانوں کےلیے خاص طور پر نازل فرمایا ہے۔ جس میں اس کی حکمتیں پوشیدہ ہیں۔ رمضان کریم کے فیوض و برکات کا شمار انسانی ذہن شمار ہی نہیں کرسکتا، رب العزت نے انسانی جسم کی ساخت کے مطابق سال میں ایک مرتبہ روزے فرض کئے ہیں۔ علازہ ازیں نفلی روزے انسان اپنی ضرورت اور ہمت کے مطابق سال کے چند دن چھوڑ کر بھی رکھ سکتا ہے جو کہ ایک بابرکت بات ہے۔ رمضان کریم کے مہینے اور اس ماہ میں رکھے جانے والے روزوں کی فضیلتوں کا ادراک انسان کے بس سے باہر ہے۔ یہاں پر ہمارا مقصد روزے کی حالت میں انسانی بدن پر رونما ہونے والی تبدیلی ہے جو کہ رب کریم کی ایک خاص حکمت ہے، اس حکمت کے تحت جس طرح ایک موٹرکار کیٹ ٹیوننگ ایک خاص وقت میں ضروری ہوتی ہے‘ اسی طرح انسانی جسم کے افعال و حرکات بھی ایک تبدیلی سے گزرتے ہیں، جس سے نئے آنے والے ماہ و سال تک جسم کو ایک نئی توانائی ملتی ہے اور وہ مذہبی اور معاشرتی اقدار کے مطابق ایک پرسکون بہتر زندگی گزارتا ہے۔دماغ کو ہلکی اور مناسب خوراک مہیا کیجئے: رمضان المبارک کے شروع ہوتے ہی انسانی دماغ ایک نئے جذبے سے کام شروع کردیتا ہے چونکہ انسانی جسم دماغ کے احکامات کے تابع کام کرتا ہے اس لیے ضروری ہے کہ انسانی دماغ کو ہلکی اور مناسب خوراک مہیا ہونی چاہئے جس سے وہ اپنے فعال درست طور پر انجام دے سکتے۔ اس کے لیے ابتدائی کھانا یعنی سحری خصوصی اہمیت کی حامل ہے۔ کوشش ہونی چاہئے کہ موسم کے حوالے سے اس کا اہتمام کیا جائے جس سے وہ جسم پر بارگراں نہ گزرے۔صرف نمک چکھ لیجئے 27 قسم کے امراض سے محفوظ رہیے: افطار تک وقت آسانی سے گزر جائے۔ افطار کے وقت بھی صبر و برداشت سے کام لیتے ہوئے عام روٹین کی افطاری مناسب مقدار میں لی جائیں۔ بعداز نماز مغرب جسم ایک ٹھہرائو اور سکون کی حالت میں ہوتا ہے کچھ وقفہ دے کر کھانے کا اہتمام کریں۔ روزہ ہمیشہ سنت نبویﷺ کے مطابق کھجور یا نمک سے افطار کیا جائے۔ نبی کریمﷺ کی ایک حدیث کے مطابق اگر (عام دنوں میں بھی) کھانے سے پہلے نمک چکھ لیا جائے تو انسانی جسم ستائیس قسم کی بیماریوں سے محفوظ رہ سکتا ہے۔