محترم حضرت حکیم صاحب السلام علیکم! آج میں قارئین عبقری کیلئے ایک ایسی مسنون دعا اور اس کا مشاہدہ لے کر حاضر ہوا کہ جو نسلوں کو بخت لگانے والی کامیاب دعا ہے۔ حضرت احمد علی لاہوری رحمۃ اللہ علیہ بہت بڑے اللہ والے گزرے ہیں ان کے بیٹے مولانا حبیب وہ سعودی عرب میں رہتے تھے‘ وہ اپنے والد کی بالکل کاپی تھے اور ان کے بارے میں مشہور تھا کہ یہ تھرما میٹر ہیں یعنی حرام حلال ایک پل میں بتا دیتے ہیں۔ کسی نے حضرت لاہوری رحمۃ اللہ علیہ سے پوچھا کہ حضرت آپ کی اولاد اتنی نیک، درویش اس کی وجہ؟ فرمایا ’’حلال کھلایا‘‘ اور ہرنماز کی التحیات میں ’’رَبِّ اجْعَلْنِي‘‘ کے بعد یہ دعا پڑھی۔رَبَّنَا هَبْ لَنَا مِنْ اَزْوَاجِنَا وَ ذُرِّیّٰتِنَا قُرَّةَ اَعْیُنٍ وَّ اجْعَلْنَا لِلْمُتَّقِیْنَ اِمَامًا (الفرقان74)۔یہ دعا کو اس یقین کے ساتھ پڑھیں کہ مولا اگر میرے بیٹے، بیٹی یا میرے گھر میں کسی فرد پر کوئی آفت آئے یا کوئی پریشانی، آزمائش آئی تو اللہ میری آنکھوں کو ٹھنڈک تو نہ پہنچی تو مولا ایسا فرما دے کہ آنکھوں کو ٹھنڈک پہنچا دے۔ہمیشہ مزدور کو مزدوری پہلے ملتی ہے یا آخر میں ملتی ہے؟ ظاہر ہے آخر میں دی جاتی ہے اور التحیات یہ آخری لمحہ ہوتا ہے عبادت کا اور اللہ پاک نے فرمایا اب التحیات میں بیٹھا ہے یوں سلام پھیرے گا اور اس کا مجھ سے گفتگو کا جو سلسلہ ہے ختم ہو جائے گا اور یہ دنیا میں گم ہو
جائے یا کسی کام میں گم ہو جائے، چلو اس کو مزدوری دے دو یہ التحیات آخری لمحہ ہے مزدوری پانے کا کتنا بڑا نکتہ ہے۔ التحیات میں دعائوں کا اہتمام کیا کریں۔ اس دعا سے آنکھیں ٹھنڈی ہوتی ہیں اس دعا سےنسلوں میں صلاحیت پیدا ہوتی ہے اور اللہ غیب کے خزانوں سے صالح اور صلاحیت پیدا کرتا ہے اور ایمان پیدا کرتا ہے اور نسلوں میں اللہ پاک ایسی نعمتیں دیتا ہے کہ نسلیں زندگی کے مسائل میںاٹکتی نہیں، بھٹکتی نہیں اور دلوں میں کھٹکھتی نہیں۔ کیوں؟اللہ پاک نے اس دعا میں وعدہ کیا ہے کہ میں تمہاری بیوی اور اولادوں کو تمہارے لیے ٹھنڈک بنائوں گا۔ٹھنڈک اس وقت بنے گی جب یہ مسائل نہیں ہوں گے۔(حضرت لاہوریؒ نے مزید فرمایا) میرے پاس کئی کیس آئے کہ میاں بیوی کی ازدواجی زندگی میں مسائل ہیں محبت کی کمی ہے انکی شکایت تھی میں نے کہا اس دعا کا اہتمام کرو اور کثرت سے پڑھو جب پڑھا تو ازدواجی زندگی کی شکایت دور ہوگئی۔ تلخیاں محبت میں تبدیل ہوگئیں اس دعا میں یہ بھی تاثیر ہے انوکھی تاثیر ہے میرے استاد فرمانے لگے کہ بھائی اس دعا کو ہر نماز کے بعد بھی اہتمام سے تین مرتبہ اللہ سے مانگا کرو‘‘ مانگتے وقت گھر والی اور بچوں کا تصور کیا کرو۔ یہی بات اپنی گھر والی کو بھی بتائو کہ وہ بھی ہر نماز کے بعد یہکام کیا کرے پھر دیکھو گھر کی زندگی کیسے بدلتی ہے۔ (حوالہ جات:(۱)سوانح حیات حضرت لاہوریؒ صاحب، (۲)بکھرے موتی ج۵ ص ۵۲۰، مؤلف:حضرت مولانا محمد عمر پالن پوریؒ)