( سبحان اللہ ، مر دان )

محترم حضرت حکیم صاحب السلام علیکم! 1991ء سے عملیات کا شوق ہے۔ عملیات کے بارے میں جب بھی کوئی کتاب ملی تو پڑھ لی لیکن کسی میں کوئی خاص کامیابی نہیں ہوئی۔ 2006ء میں ملیر کینٹ میں ایک اللہ والےسے ملاقات ہوئی‘ انہوں نے اللہ کے نام کے مراقبے بتائے جو کہ ابھی بھی کررہا ہوں اور ان سے راہ سلوک کے اسباب سیکھ رہا ہوں۔ پیروں فقیروں سے مجھے بے حد محبت ہے ہر وقت درویشوں اور اللہ لوک قسم کے لوگوں سے ملنے اور ان سے کچھ سیکھنے کی کوشش میں لگا رہتا ہوں تاکہ کہیں سے بھی کچھ سیکھ کر صرف اللہ تعالیٰ کی رضا کیلئے لوگوں کی خدمت کروں۔ (۱)جگر کی تمام بیماریوں کیلئے پانی پر21 مرتبہتَبٰرَکَ اسْمُ رَبِّکَ ذِی الْـجَلَالِ وَ الْاِکْرَامِ پڑھ کر دیتا ہوں۔جگر کی بیماریوں الحمدللہ ختم ہوجاتی ہیں۔

گوہانجنی کا آزمودہ دم
(۲)گوہانجی چشم کیلئے بیری کے سات عدد پتوں پر ’’بِسْمِ اللہِ الرَّحْمٰنِ الرَّحِیْمِ‘‘ پڑھ کر دم کرتا ہوں۔ پھر ان پتوں کو ایک ایک کرکے گوہانجنی پر پھیرتا ہوں‘ چند دنوں میں گوہانجنی ختم۔ انتہائی کامیاب روحانی عمل ہے۔
بخار کیلئے7دھاگوںکا عمل
(3) بخار والے کو 7 عدددھا گے پر 4 قل پڑھ کر اور یہ پڑھ کر 14گرہیں لگا کر دیتا ہو ں قُفُلْ کَرْ دَمْ وَ بَسْتَمْ بِنَامِ فَلَاںْ (یہاں مریض کانام لکھیں)بِحَقِّ لَا اِلَہَ اِلَّا اللّٰہُ مُحَمَّدٌ رَّسُوْلُ اللّٰہِ
(4) کسی پر جادو ہے یا جن ہے، معلوم کرنے کے لیے اسکے قد کے برابر دھا گہ نا پ کر اول و آخر 11 مرتبہ درود شریف اور 7 مر تبہ سورہ مزمل پڑھ کر دم کر دیتا ہوں۔
نظر بد ختم کرنے کیلئے تین مرتبہ پڑھیں
(5) نظر اتارنے کے لیے 3 مرتبہ ” وَاِنْ یَّکَا دُ الَّذِیْنَ کَفَرُوْا لَیُزْ لِقُوْنَکَ بِاَبْصَارِھِمْ لَمَّا سَمِعُوْا الذِّکْرَ(سورة القلم آیت نمبر 51 ) دم کر تا ہوں۔
ناف کیلئے بازو پر یہ تعویذ باندھیں
(6)ناف کیلئے تعویذ لکھ کر بازو پر بندھواتا ہوں۔

جب بھی جو مانگنا ہو! اس طرح مانگیں ملے گا
(7) جب بھی کوئی چیز اللہ تعالیٰ سے مانگتا ہو ں تو اول وآخر درود شریف ، سورة الفا تحہ ایک مرتبہ، سورة اخلا ص 3 مرتبہ ۔ کبھی بھی نا کامی نہیں ہو ئی۔
کوئی بیماری ہو یہ پڑھیے
(8) کسی کو کوئی بھی بیماری ہو تو 7 مر تبہ سورة الفاتحہ اول وآخردرود شریف پڑھ کر دم کر تا ہوں ۔ سر درد کیلئے سورة اخلاص 3 مر تبہ یا7 مرتبہ یا 11 مر تبہ پڑھ کر دم کر تا ہوں۔
دانت درد کا تعویذ
(9 ) دانت درد کے لیےلِكُلِّ نَبَاٍ مُّسْتَقَرٌّ وَّ سَوْفَ تَعْلَمُوْنَ(سورة انعام 67)کا تعویذ لکھ کر دیتا ہوں۔کاغذ پر لکھ کر گلے میں پہن لیں۔پینے کے طور پر استعمال کرسکتے ہیں۔
آیات شفاء چینی کی پلیٹ پر
(10)ہر بیماری کیلئے آیات ِ شفاء چینی کی پلیٹ یا کاغذ پر لکھ کر پینے کے لیے دیتا ہوں۔ (11) کبھی کبھی بغیر کچھ پڑھے بھی دل میں نہایت عاجزی اور خلوص کے ساتھ اللہ تعالیٰ کو یاد کرکے کسی کودعا دے دیتا ہو ں اور کام ہو جاتاہے۔
جگر کی بیماریوں کیلئے تعویذ
(12)جگر کی بیماریوں کے لیے تعویذ:لَوْکَانَ الْبَحْرُ مِدَادًا لِّکَلِمَا تِ رَبِّی(کہف آیت 19)لکھ کر ، دائیں بازوپر باندھنا ہے۔