ماں سے حسن سلوک کی وصیت

حضرت ابوسلامہ رضی اللہ عنہ سے روایت ہے، فرماتے ہیں کہ ایک موقع پر نبی کریمﷺ نے تین مرتبہ فرمایا: ’’میں ہر شخص کو اس کی والدہ سے حسن سلوک کی وصیت کرتا ہوں، پھر دو مرتبہ فرمایا ’’میں ہر شخص کو اس کے والد سے حسن سلوک کی وصیت کرتا ہوں اور میں ہر اس شخص کو اس کے غلام سے حسن سلوک کی وصیت کرتا ہوں اگرچہ افراد سے اسے کوئی تکلیف ہی پہنچتی ہو‘‘ 18996۔ (مسند احمد بن حنبل)

پیٹھ پیچھے برائی اور حسد نہ کرو

حضرت انس رضی اللہ عنہ سے روایت ہے کہ رسول اللہﷺ نے ارشاد فرمایا: ’’آپس میں بغض نہ رکھو اور ایک دوسرے سے حسد نہ کرو (اور) پیٹھ پیچھے کسی کی برائی نہ کرو بلکہ اللہ کے بندے اور آپس میں بھائی بن کر رہو اور کسی مسلمان کیلئے جائز نہیں کہ اپنے کسی مسلمان بھائی سے تین دن سے زیادہ تک بات چیت بند کرے۔‘‘ 6146 ۔ (صحیح بخاری)