ماہنامہ عبقری - جون 2010ء

جو شخص سوتے وقت اکیس مرتبہ بسم اللہ شریف پڑھ لے اللہ تعالیٰ اس کو رات بھر شیطان کے شرسے محفوظ رکھے گا حل مشکلات حضرت خطیب رحمتہ اللہ علیہ لکھتے ہیں کہ بسم اللہ کی بدولت اللہ تعالیٰ نے حضرت آدم علیہ السلام کی توبہ قبول فرمائی بسم اللہ کی برکت سے حضرت نوح علیہ السلام کی کشتی نے کوہ جودی پر قرار پکڑا بسم اللہ کے اثر سے حضرت ابراہیم علیہ السلام پر آتش نمرود گلزار بن گئی‘ بسم اللہ کے سبب ہی حضرت موسیٰ علیہ السلام نے فرعون پر فتح پائی‘ بسم اللہ کے طفیل حضرت سلیمان علیہ السلام کیلئے تمام جن و پری مطیع ہوگئے۔بسم اللہ ہی کے پڑھنے سے حضرت عیسیٰ علیہ السلام کا دم مادرزاد اندھوں اور جذامیوں کیلئے باعث شفاءتھا۔ پھر یہی بسم اللہ آنحضرت صلی اللہ علیہ وسلم کیلئے دین کی مدد کا سبب اور سخت دشمنوں پر بڑی بڑی فتوحات کا سبب بنی۔ اللہ تعالیٰ کا وعدہ ہے کہ جو مومن بسم اللہ پڑھ کر کام کریگا اس میں برکت دی جائیگی اور جو شخص طلب حاجب کے وقت اس کو پڑھے گا اللہ تعالیٰ اس کی ہر مراد پوری فرمائیں گے۔ دفع بلیات جو شخص سوتے وقت اکیس مرتبہ بسم اللہ شریف پڑھ لے اللہ تعالیٰ اس کو رات بھر شیطان کے شرسے محفوظ اور اس کے مال کو چوروں سے مامون رکھے گا اور اس کو مرگ سفاجات اور ہر بلا سے بچائیگا۔ تذلیل ظالم کسی ظالم کے سامنے 50مرتبہ بسم اللہ شریف پڑھی جائے تو اللہ تعالیٰ اس کو ذلیل کردیتا ہے۔ ہر قسم کا درد اگر جسم کے کسی مقام پر ریحی‘عصبی یا الہتابی درد کسی قسم کا ہو‘ ایک سو مرتبہ بسم اللہ شریف پڑھ کر دم کردیں اور اسی طرح تین دن تک دم کرتے رہو۔ اللہ کے فضل سے شفا ہوجائےگی۔ میاں بیوی کی محبت کیلئے جو شخص پانی کے پیالے پر 786 مرتبہ بسم اللہ پڑھ کر دم کرے اور یہ پیالہ زوجین کو پلادے تو وہ آپس میں محبت و الفت کرنے لگیںگے۔ (صفحہ نمبر 203،204) (مزید ایسے بہترین روحانی نسخے حاصل کرنے کیلئے ”کالی دنیا کالا جادو وظائف اولیاءاور سائنسی تحقیقات کا مطالعہ کریں“نوٹ: جو عمل آزمائیں تفصیل سے لکھیں لاکھوں کا نفع‘ آپ کا صدقہ جاریہ) پچھلا صفحہ