عبقری کے وظیفے سے شادی ممکن ہوئی:عبقری میں ایک وظیفہ چھوٹا سا چھپا تھا یَااَحَدُ یَا حَفِیْظُ یَاوَدُوْدُ جس کی شادی نہیں ہورہی وہ ہزاروں کی تعدادمیں پڑھیں‘ جمعہ کی نماز کی آخری دوسنتوں کے بعد جائے نماز پر بیٹھ کر پڑھے‘ اول و آخر درود شریف اور پھر دو نفل پڑھے اور اٹھ جائے اوریہ وظیفہ صرف جمعہ کے جمعہ کرنا ہے۔ دس منٹ دعا کرنی ہے۔ یہ چھوٹا سا وظیفہ ہے۔ میرے ہمسایوں میں ایک لڑکا ہے‘ اس کی شادی نہیں ہورہی تھی‘ اس نےصرف پانچ ہفتے پڑھا ہے‘ جمعہ کے دن ہی اس کی شادی ہوگئی۔
اسی لڑکے کی بہن کو طلاق ہوگئی اور اس کی بہن نے صرف ڈھائی ماہ پڑھا اب اس کی بھی شادی ہوگئی۔ بڑی کمال چیز ہے یہ بھی میں نے عبقری میں پڑھا تھا۔ایک عبقری میں نسخہ چھپا تھا کہ جس کی شادی نہیں ہورہی کہ آپ اس کا وزن کریں اور چاول دریا میں صدقہ کریں۔ ہمارے ہمسائے ہیں ان کی بیٹی کی عمر ستائیس سال ہوگئی ہے شادی نہیں ہورہی میں نے کہا بھابی آپ یہ کریں۔ بھابی نے وہ لیے اور راوی جاکے صدقہ کرآئیں ان کا مہینہ نہیں گزرا اور اس کی بیٹی کی منگنی ہوگئی۔
اچھے نمبرز کیلئے:حَسْبُنَا اللہَ وَ نِعْمَ الْوَکِیْلُ یَاوَارِثُ یَاوَکِیْلُ ایک تسبیح صبح و شام۔غیرمتوقع طور پر نمبر بہت اچھے آتے ہیں امتحانوں میں۔ یہ دونوں چیزیں میری بیٹی نے خود ہی پڑھی ہیں خود ہی آزمائی ہیں۔