محترم حکیم صاحب السلام علیکم! عرض ہے کہ میرا تعلق کنگن پور چونیاں سے ہے۔میں اپنے بچوں کے دماغی مسائل اور دیگر بیماریوں کی وجہ سے بہت پریشان تھا اور کافی جگہوں سے علاج کروا رہے تھے لیکن ہمارا مسئلہ حل نہیں ہورہا تھا۔ہمارے ایک مخلص ہمسائے نے میری ملاقات ماہنامہ عبقری سے کرائی اور مجھے موتی مسجد کا عمل تفصیل سے سمجھایا۔ مجھے امید کی کرن نظر آئی اور میں اپنے بیوی بچوں کے ساتھ موتی مسجد بڑے ہی یقین کے ساتھ چلا گیا۔ ہم نے پہلے دن مسجد کی خدمت کی اور نفل پڑھے‘ شام کو قریبی ہوٹل میں چلے گئے اور اگلے دن ہم صبح جلدی آگئے اور پھر آکر مسجد کی صفائی کی اور نماز اور نوافل ادا کیے‘ شام تک ہم نے یہاں وقت گزارا۔ جب شام ہوئی تو ہمیں ایک اجنبی شخص جو کہ تسبیح خانہ کے ہفتہ وار درس میں باقاعدگی سے شرکت کرتے ہیں‘ موتی مسجد میں اپنے معمولات میں مصروف تھے جن کی رہائش دربار پیرمکی رحمۃ اللہ علیہ کے قریب ہے وہ ہمیں اپنے گھر لے گئے اور رات ہمیں اپنے گھر میں قیام کروایا۔تیسرے دن ہم نے صبح آکر مسجد کی خدمت شروع کی۔ ہم سب لوگ خدمت میں مصروف تھے کہ ہمارے ساتھ ایک چھوٹا بچہ جو کہ بیمار بھی تھا وہ مسجد کی ڈیوڑھی والا حصہ کی صفائی کررہا تھا اس کے پاس ایک چھوٹے سے قد کے ایک بزرگ آئے انہوں نے ایک چھوٹی سی تیل والی شیشی دی۔ انہوں نے بتایا کہ آپ سب لوگ اسی تیل کو استعمال کرو۔ کہتے ہیں کہ ہم نے مسجد کے اندر بھی باہر بھی جاکر کافی ڈھونڈا لیکن ہمیں وہ بزرگ کہیں نہ ملے۔ ہم سب نے اس تیل سے بچوں کی مالش کی اور بچے بالکل ٹھیک ٹھاک جیسےا نہیں کوئی بیماری ہے ہی نہیں ۔محترم حکیم صاحب! ہم پورے یقین کے ساتھ موتی مسجد میں آئے تھے کہ ہماری ضرور غیبی مدد ہوگی اور اللہ نے ہماری مدد کی۔