محترم حکیم صاحب السلام علیکم! میں عبقری رسالہ پچھلے تین سال سے پڑھ رہی ہوں‘ میرا مسئلہ یہ تھا کہ میرا بیٹا جو کہ ابھی صرف 6 سال کا ہے بہت زیادہ ضدی تھا‘ ہر بات پر ضد کرتا اور گھر سر پر اٹھالیتا جس کی وجہ سے میں بہت پریشان تھی‘ میں نے عبقری میں موجود روحانی محفل اس مقصد کیلئے کرنا شروع کردی۔ ابھی میں نے تین ماہ ہی روحانی محفل اس مقصد کیلئے کی اور محفل کے بعد اللہ سے رو رو کر دعا مانگی تھی کہ میرے بچے میں حیرت انگیز تبدیلیاں رونما ہونا شروع ہوگئیں جس نےمجھے اور میرے شوہر کو بہت زیادہ حیران کیا کیونکہ اب وہ بات بات پر ضد نہیں کرتا‘ نہ ہی چلاتا ہے‘ جو کھانے کو دو چپ کرکے کھالیتا ہے۔     (شائستہ‘ سکھر)