محترم حکیم صاحب السلام علیکم! آپ کی اور عبقری کی تمام ٹیم کی خیریت چاہتی ہوں‘ 2008ء سے عبقری کی قاریہ ہوں‘ عبقری کے قارئین کیلئے نظر کی کمزوری کا ایک بہت خاص الخاص آزمایا ہوا نسخہ دے رہی ہوں‘ ہمارے علاقے کا بہت ہی پرانا اور مشہور حکیم کا نسخہ تھا‘ وہ وفات پاگئے ہیں ان کی نسل یہ نسخہ چلارہی ہے۔ دور دراز سے لوگ آتے ہیں۔ ان کی ذریعہ آمدن یہی ہے۔ ان کی گھر کام کرنے والی ماسی کے توسط سے رقم دے کر حاصل کیا ہے۔ اس کے صرف ایک ماہ استعمال سے نظر میں کافی فرق محسوس ہوتا ہے۔ اگر لگاتار کچھ عرصہ استعمال کیا جائے تو عینک سے ہمیشہ کیلئے بچے‘ بڑے سب کیلئے‘ ہر عمر کے لوگوں کیلئے مفید ہے۔
نسخہ ھوالشافی: ایک کلو سونف‘ چار لیٹر گاجر کا جوس‘ سنگری مصری ایک پاؤ۔گاجر کے جوس میں ایک کلو سونف صاف کرکے ڈبودیں‘ دس دن تک کپڑا باندھ کر رکھ لیں‘ سایہ میں۔ دس دن کے بعد رس جذب ہوجائے گا۔ اب سونف پھیلا کر سایہ میں خشک کرلیں۔ جب خوب خشک ہوجائے تو گرینڈ کرلیں‘ پیس کر سنگ مصری ملادیں۔
خوراک: روزانہ خالی پیٹ ایک چمچ کھانے والا‘ چھوٹے بچوں کو آدھا چمچ‘ اس سے چھوٹے بچوں کو چٹکی ماں کے دودھ کے ساتھ یا منہ میں ڈال کر پانی کے ساتھ دیں۔

(شبنم نذیر‘ ٹانک)