یہ آرٹیکل میں نے کسی رسالے میں پڑھا تھا ایک لڑکی نے اپنی آپ بیتی لکھی تھی کہ اس کے پیٹ میں بہت سخت درد تھا اور اس کی نظر بھی بہت کمزور تھی جب اس کے پیٹ میں بہت درد اٹھا تو اسے کسی نے کہا کہ تم کنوارگندل استعمال کرو‘ اس نے کنوار گندل استعمال کرنا شروع کردیا۔ اس کے پیٹ کے درد کا تو نہیں پتا البتہ جب اس نے اپنی نظر چیک کرائی تو ڈاکٹر حیران رہ گئے کہ کتنے پوائنٹ اس کی نظر بحال ہوگئی تھی۔ ڈاکٹر نے پوچھا کہ تم نے کیا استعمال کیا ہے؟ تو اس نے کہا کہ پیٹ کے درد کیلئے میں نے کنوار گندل استعمال کیا تھا شاید یہ ایک وکیل لڑکی کا قصہ ہے‘ یہ قصہ میں نے کچھ سالوں پہلے پڑھا تھا تو مجھے یاد آگیا۔
ایک دفعہ میری آنکھوں کے گرد چنگاریاں سی اڑتی ہوئی محسوس ہوئیں میں نے کسی بزرگ کو خط میں احوال لکھا انہوں نے فرمایا کہ کسی اچھے آنکھوں کے ڈاکٹر سے علاج کرائو۔ میرے سر میں بھی بہت درد ہوتا تھا میں نے یہی نسخہ استعمال کیا صبح اور شام 2 انچ کنوار گندل کا گودا نہار منہ استعمال کیا اور پھر چند دنوں میں سردرد اور آنکھوں کی چنگاریاں اور نظر کی کمزوری ختم ہوگئی۔
٭ سورہ کہف کو سرمہ پر دم کرکے رات کو سوتے ہوئے سرمہ آنکھوں میں لگائیں چند دنوں میں نظر کی کمزوری ختم ہوجاتی ہے۔ آج کل بے تحاشہ ٹی وی، موبائل، فیشنی عینکوں اور نظر کے لینز، لیٹ کر پڑھنے، غلط بیٹھ کر پڑھنے، بے خوابی، غیر ضروری افکار، ٹینشن سے نظر کمزور ہوجاتی ہے اور یہی وجوہات بے خوابی کی بھی ہیں ان سے حتیٰ الامکان بچنے کی کوشش کرنی چاہیے۔ (ساجدہ‘ واہ کینٹ)۔