محترم حضرت حکیم صاحب السلام علیکم! ربیع الاول کا مبارک مہینہ آچکا ہے۔ ہر طرف درود سلام کی صدائیں مزید بلند ہورہی ہیں۔میں آج قارئین کو ایک ایسا ہدیہ دے رہا ہوں جس کو کرنے کے بعد آپ حضور نبی کریم ﷺ کے محبوب بن جائیں گے۔ انشاء اللہ۔ اس کو کرنے والا سکون قلب کی دولت سے مالا مال ہوجاتا ہے‘ اگر کوئی مشکل حل ہونے کا نام نہ لیتی ہو تو باوضو ایک وقت متعین پر روزانہ 313 بار پڑھ کر اللہ پاک سے دعا مانگیں‘ مخلوق میں ممتاز ہونے کیلئے ہر نماز کے بعد 121 مرتبہ پڑھیں۔ حضرت میاں شیر محمدصاحب رحمۃ اللہ علیہ شرقپور شریف والے اس درود پاک کو کثرت سے پڑھا کرتے تھے اور دوسروں کو پڑھنے کی خصوصی تلقین فرمایا کرتے تھے۔ درود پاک یہ ہے:۔
صَلَّی اللہُ عَلٰی حَبِیْبِہٖ مُحَمَّدٍ وَّ اٰلِہٖ وَسَلَّمْ۔
ہمیں آقا دو جہاں نبی کریم ﷺ کی محبت صرف اسی صورت میسر آسکتی ہے جب ہم آقا ﷺ سے محبت کے دعوؤں کے ساتھ ان کی ہر ہر سنت پر دل و جان اور محبت سے عمل کریں۔ (بشیر احمد رانا‘ اسلام آباد)