عبدالرحمٰن بن ازرق سے کہ علی المرتضیٰ رضی اللہ تعالیٰ عنہٗ نے فرمایا کہ رسول اللہﷺ میرے پاس (گھر) تشریف لائے جبکہ میں سونے کی جگہ سورہا تھا ۔ حسن یاحسین (رضی اللہ عنہم) نے پانی مانگا تو نبی علیہ الصلوٰۃ والسلام ہماری ایک کم دودھ دینے والی بکری کی طرف اٹھے اور اس کو دھویا‘ دودھ خوب آیا تو آپ ﷺ کے پاس حسن آگئے تو آپ ﷺ نے اس کو پَرے ہٹایا تو حضرت فاطمۃ الزہرا رضی اللہ تعالیٰ عنہا نے کہا یارسول اللہ ﷺ گویا دوسرا آپ ﷺ کو زیادہ محبوب ہے۔ آپ ﷺ نے ارشاد فرمایا ایسے نہیں بلکہ اُس نے اس سے پہلے پانی مانگا پھر آپ ﷺ نے ارشاد فرمایا: ’’میں تُو اور یہ دونوں اور یہ آرام کرنے والا قیامت کے دن ایک جگہ میں ہوں گے۔ (مسند احمد)
طیالسی نے بھی اسکو روایت کیا ہے اور البزار میںاس طرح ہے کہ حسن اور حسین رضی اللہ عنہم ایک ہی لحاف یا گرم چادر میں سوئے ہوئے تھے تو حسن رضی اللہ عنہٗ نے پانی مانگا تو آپ ﷺ نے ایک برتن کی طرف آئے اور پیالے میں پانی لیا اور آئے تو حسین رضی اللہ عنہٗ لپکے تو آپ ﷺ نے اس کو ہاتھ سے پیچھے ہٹایا تو فاطمہ رضی اللہ تعالیٰ عنہا نے کہا گویا وہ دوسرا آپ ﷺ کوزیادہ محبوب ہے تو آپ ﷺ نے فرمایا: اُس نے اس سے پہلے پانی مانگا تھا اور یہ کہ میں، تو اور یہ دونوں اور یہ آرام کرنے والا قیامت کے دن ایک ہی جگہ میں ہوں گے۔(طبرانی)