محترم حضرت حکیم صاحب السلام علیکم! عبقری رسالہ پہلی مرتبہ میری اہلیہ گھر لائیں‘ اللہ اسے جزائے خیر دے۔تب سے ہم تمام گھر والے عبقری کے دیوانے ہیں۔ عبقری سے ہی ہمیں آپ کے درس روحانیت و امن کے بارے میں معلوم ہوا۔ آپ کا درس یا رسالہ عبقری جس شخص نے سن اور پڑھ لیا وہ اس کا رَسیا ہوجاتا ہے‘ میں نے یہ تجربہ کئی لوگوںپر کیا ہے‘ جس کو بھی تھوڑا سا درس موبائل پر سنادیا وہ اللہ کے حکم سےایسے درس کی طلب کرتا ہے کہ بغیر درس سنے رہ ہی نہیں سکتا۔ ایک نہیں درجنوں آدمیوں کو دیکھ چکا ہوں اور ایسا راہ راست پر آتا ہے کہ پھر بھٹکتا نہیں۔ گھریلو مسائل حل ہوتے ہیں‘ کاروباری مشکلات ختم ہوئیں۔ خود میرے ساتھ بھی ایسا ہی ہوا تھا۔ آپ کے درس سے بھرپور فیض مل رہا ہے۔ بعض اوقات دل ایسا کرتا ہے کہ اڑ کر جناب کی زیارت کرجاؤں اور خیالات میں بھی آپ چھائے رہتے ہیں ۔(م۔ا،پاکپتن)