حترم شیخ الوظائف السلام علیکم! اللہ تعالیٰ کا لاکھ لاکھ شکر ہے کہ جس نے اپنا کرم کیا اور مجھے تسبیح خانہ سے جوڑ دیا۔ ہمارے شہر میں آپ کا درس ہوا‘ درس سنا یوں لگا کہ دنیا میں مجھ سے زیادہ ناشکرا کوئی نہیں‘ آپ کی اور درس کی برکت نے اس قابل کردیا کہ دن میں کئی مرتبہ اللہ کریم کا شکر ادا کروں‘ محض اللہ کریم کی کریمی اور آپ کی نظر ودعا ہے‘ آپ کی زیارت اور مصافحہ کرنےکے بعد دل چاہتا ہے کہ کاش آپ کی خدمت میں لگارہتا‘ اللہ کریم آپ کی عمر دراز کرے آپ  کو اور آپ کے اہل خانہ کو اپنی حفظ و امان میں رکھے اور اپنی رحمتوں کی بارش کردے۔ جب ہمارے شہر میں آپ کا درس ہوا تو آپ سے ملاقات نہ ہوسکی بس چلتے چلتے آپ سے دو وظائف کی اجازت طلب کی جو آپ کی عنایت ہے آپ نے دیدی۔ میں روزانہ انمول خزانہ نمبر اکیس اکیس مرتبہ صبح و شام اور خزانہ نمبر دو 313 مرتبہ صبح و شام پڑھ رہا ہوں‘ ہر نماز کے بعد ایک تسبیح صلی اللہ علی محمد اور کشف کیلئے جو دعا 

۔الخ   والی بھی رات کو پڑھ رہا ہوں۔ چلتے پھرتے درود پاک پڑھنے کی کوشش کرتا ہوں۔ اب تک احوال کچھ یوں ہیں کہ اللہ کریم نے ڈاڑھی رکھنے کی توفیق دیدی‘ اکثر و بیشتر باوضو رہنے کی کوشش کرتا ہوں۔ اللہ کا کرم ہے ہر نماز کے بعد 21 بار  

بھی پڑھنا شروع کردیا ہے۔ وقتاً فوقتاً آپ کے درس بھی سنتا ہوں‘ میری بیوی بھی آپ کے درس سنتی ہے۔ گزشتہ دنوں میں اور میری اہلیہ قبرستان کے قریب سے گزرے تو میری بیوی کہنے لگی: اللہ کتنا کریم ہے کہ اس نے سب کےعیب ڈھانپ لیے ہیں ورنہ اگر ایسا ہوتا کہ یہ زمین گنہگاروں کو باہر اچھال دیتی تو کیا ہوتا؟ ہم جیسے تو منہ چھپاتے پھرتے‘ اللہ کتنا کریم ہے! ۔ ایک چھوٹا سا واقعہ عبقری قارئین کی خدمت میں عرض ہے‘ آج کل ایک سوال بڑا عام ہے جو والدین کے متعلق پوچھا جاتا ہے کہ والدین ایک ساتھ رہتے ہیں یا آپ کے دوسرے بھائیوں کے ساتھ‘ میرے ایک دوست کی والدہ فوت ہوئی تو ان کے گھر فاتحہ کیلئے گیا۔ ہم بیٹھے ہوئے تھے ایک شخص نے میرے دوست سے یہ سوال کیا کہ والدہ آپ کے ساتھ رہتی تھیں یا دوسرے بھائی کے ساتھ‘ اللہ میرے اس دوست پر کرم کرے‘ بڑا ہی خوبصورت جواب دیا۔ اسی کے الفاظ لکھ رہا ہوں‘ جناب! میری اتنی اوقات اور ہستی نہیں کہ میں والد اور والدہ کو ساتھ رکھ سکون‘ میں ابھی تک ان (والدین) کے ساتھ رہتا ہوں۔ دوست کے اس جملے نے میرے رونگٹے کھڑے کردئیے اور اس دن سے میں نے یہ جملہ نوٹ کرلیا ہے کہ میری اتنی ہستی اوراوقات نہیں کہ میں والدہ کو اپنے ساتھ رکھ سکوں‘ میں اپنی والدہ کے ساتھ رہتا ہوں۔