ہمایوں شیراز‘ لاہور

یوں محسوس ہوتا ہے کہ کسی ایسے باغ میں آگئے ہیں جس میں ہرطرف پھل اور پھول ہیں جو ایک سے بڑھ کر ایک ہیں

محترم حکیم صاحب السلام علیکم! اپنے ایک عزیز کی طرف جانا ہوا وہیں سے عبقری سے ملاقات ہوگئی۔ وہیں تھوڑا ساپڑھا پھر ان سے مستعار لیکر باقی گھر آکر پڑھا۔ بس یقین مانیے! یوں لگا جیسے صحرا میں بھٹکتے ہوئے مسافر کو نشان منزل اور پیاسے کو دریا مل جائے۔ بہت چھوٹی عمر سے طب‘ روحانیت‘ نفسیات میرے محبوب مشاغل ہیں اور یہ سب کچھ ایک ہی جگہ اور اتنا اچھا اتنامعیاری بہت کم میسر ہوتا ہے۔ اللہ آپ کو اجر عظیم عطا فرمائے۔ محترم حکیم صاحب! اب تو عبقری کے مطالعہ کا بہت شوق بڑھ گیا ہے۔ اب تک آپ کی کچھ کتابیں بھی خرید چکا ہوں‘ عبقری کی چوتھی اور پانچویں فائل بھی پڑھ چکا ہوں‘ باقاعدہ عبقری لے رہا ہوں‘ پڑھ رہا ہوں مستفید ہورہا ہوں۔
1۔برکت والی تھیلی واقعی ہی برکتوں سے بھری ہے۔ 2۔ مجھے شفاء کیسے ملی؟ میں نمک سلیمانی اب میرا معمول طب ہے۔ 3۔روحانی محفل ! اپنے گھر میں اس کی برکتیں کیا کہیے۔ محترم حکیم صاحب! یوں محسوس ہوتا ہے کہ کسی ایسے باغ میں آگئے ہیں جس میں ہرطرف پھل اور پھول ہیں جو ایک سے بڑھ کر ایک ہیں۔ درس روحانیت و امن کے تو کیا ہی کہنے اس نے تو ہماری زندگی بدل کر رکھ دی ہے۔ اب تو ہروقت آخرت کی فکر لاحق رہتی ہے۔ برے کاموں سے نفرت ہوگئی ہے ۔عبقری نے ہمیں اعمال پر لگا دیا ہے۔

الٹیاں روکنے کیلئے مجرب عمل

توے پر اجوائن اور پانی ڈال کر پکائیں تھوڑی دیر میںاجوائن پک جائے تو پانی چھان لیں اور بچوں اور بڑوں کو وہ پانی پلائیں۔ انشاء اللہ کیسی ہی الٹی ہوگی رک جائے گی۔ ہماراآزمودہ ہے۔(فوزیہ‘اٹک)

کھانے کے دوران برکتیں حاصل کریں

کھانا کھانے کے دوران ہر لقمے کے بعد یَاشَکُوْرُ‘ یَاوَاجِدُ‘ یَاسَلَامُ پڑھنےسے برکتیں حاصل ہوتی ہیں۔ اس سے انسان میں نور پیدا ہوتا ہے۔
(عظمیٰ امجد‘ لاہور)